የአእላፍ ዝማሬ ድብቁ አጀንዳ ፣ ቀጣዩ እጣ ፈንታ እና ፣ውድቀት እያነበብህና እየነቃህ ወዳጄ

 ዮሐንስ አብነት አጉማስ

የዘመኑን "መንፈሳዊ ለውጥ" በንስር ዓይን የመመልከት ይኖርብሃል፣ ብዙዎች በስሜት እና በድምቀት ተወስደው "እሰይ፣ ኢትዮጵያ ወደ እግዚአብሔር ተመለሰች" ብለው ሲዘምሩ፣ አንተ ግን የነገሩን የኋላ ክፍል (Backstage) መርመር ግዴታህ ነው። ያለንበት ዘመንም እወቀትና ጥበብ በዚያ አለ  የተባለበት ጊዜ ነው ።የቤተክርስቲያን ስርዓት እና ዶግማ  ደጋፊ እንጅ የግለሰብ ደጋፊ  አትሁን ወዳጄ ተከተለኝ ድብቁን አጀንዳ ልስጥህ እንዳትሰለች 

በቅርብ ጊዜ በብዛት የምናያቸው "የአእላፍ ዝማሬ" ወይም በስታዲየም እና በአደባባይ የሚደረጉ ግዙፍ የመዘምራን ፕሮግራሞች፣ በሽፋኑ "ምስጋና" ቢመስሉም፣ በጥልቀት ሲመረመሩ "የአውሬው ስርዓት" (The System) ሃይማኖትን ወደ "መንፈሳዊ መዝናኛ" (Spiritual Entertainment) የመቀየር ስልት አካል ናቸው።እንዴት ካልህ ጉዳዩን እንደ ወዳጅ ጥልቅ ትንታኔ እና ማስረጃ እነሆ፡- 

🌿.የሚጠቀምበት ስልት ፡ "የስሜት ሃይፕኖሲስ" 

ስርዓቱ ቤተክርስቲያንን ከውስጥ ለማዳከም የመረጠው መንገድ "ዶግማን (እምነትን) በድራማ መተካት" ነው። 

👇.የመድረክ ውበት : ፕሮግራሙ የሚዘጋጀው ለመንፈሳዊ ተመስጦ ሳይሆን ለካሜራ እይታ ነው። ድሮን ካሜራዎች፣ ዘመናዊ መብራቶች (Lighting effects)፣ ተመሳሳይ ነጭ ልብስ (Uniform)። ይህ ህዝቡን "በእይታ" የመጥለፍ ስልት ነው።

👇.የድግግሞሽ ኃይል : አንድን ዝማሬ ወይም ቃል በተደጋጋሚ፣ በከፍተኛ ድምጽ እና በዘመናዊ የሙዚቃ መሳሪያ አጅቦ ደጋግሞ ማሰማት። ይህ በሳይኮሎጂ "Trance State" (ከፊል ራስን መሳት) ይፈጥራል። ህዝቡ ስሜቱ ይነካል፣ ያለቅሳል፣ ይጮሃል፤ ግን አእምሮው እውነትን እያሰበ አይደለም፤ በድምጽ እየተነዳ ነው።

👇.የህዝብ ብዛት : ሰው ብቻውን ሲሆን ያስባል፤ በመንጋ (በአእላፍ) ሲሆን ግን ይነዳል። በሺዎች የሚቆጠሩ ሰዎች እጃቸውን ሲያነሱ ስታይ፣ አንተም ሳታስበው ታነሳለህ። ይህ "የመንጋ አስተሳሰብ" ለመቆጣጠር ምቹ ነው። 

🌿. ለምን ታስቦ ነው? 

👇.ሃይማኖትን ማቅለል : ኦርቶዶክሳዊት ቤተክርስቲያን "ስርዓት፣ ጾም፣ ጸሎት፣ ስግደት" የምትጠይቅ ጥብቅ ሃይማኖት ናት። የአውሬው ስርዓት ግን ይህን "ከባድ" መንገድ ወደ "ቀላል ሙዚቃ" መቀየር ይፈልጋል። ወጣቱ ቤተክርስቲያን ሄዶ ሰዓታት ከመቆም፣ ስታዲየም ገብቶ መዝለልን እንዲመርጥ ማድረግ ነው። 

👇.ማደንዘዣ : ህዝቡ በኑሮ ውድነት፣ በጦርነት እና በፍትህ እጦት ተማሯል። ይህንን ቁጣውን  አደባባይ ወጥቶ ከመቃወም ይልቅ፣ "እግዚአብሔር ያውቃል" እያለ በዝማሬ እንዲተነፍስ ማድረግ። ዝማሬው  (ማደንዘዣ) ሆኖ ያገለግላል። 

🌿. ያገኘው ውጤትና የእድገት ደረጃ 

👇.ውጤቱ: "ዘማሪ እንጂ አማኝ ያልሆነ ትውልድ"። አሁን ያለው ወጣት ግጥሙን በሙሉ ያውቃል፣ ዜማውን ያውቃል፤ ነገር ግን ስለ ሃይማኖቱ አስተምህሮ (Dogma) ቢጠየቅ ባዶ ነው። ስሜታዊ (Emotional) ክርስቲያን ተፈጠረ። 

👇.የእድገት ደረጃ: ነገሩ ከቤተክርስቲያን አውደ ምህረት ወጥቶ ወደ ቢዝነስ ተቀይሯል። ቲኬት ይሸጣል፣ ስፖንሰር ይደረጋል፣ ዩቲዩብ ላይ በሚሊዮን ይታያል። መንፈሳዊነት "ሸቀጥ" ሆኗል። 

🌿. የመቆጣጠር ኃይል እንዴት አገኘ? 

👇.የሱስ እስረኛ: ህዝቡ ያንን "የስሜት እርካታ" (High feeling) ሱስ አድርጎታል። በጸጥታ መጸለይ አይችልም፤ የግድ ጩኸት፣ ሙዚቃ እና የህዝብ ብዛት ይፈልጋል። ይህንን ፍላጎቱን ተጠቅመው ስርዓቱ ወደፈለገው ይነዳዋል። 

👇.የኮከብ አምልኮ : ዘማሪያን ልክ እንደ ዓለማዊ ሙዚቀኞች "ኮከብ" (Idol) ሆኑ። ህዝቡ ክርስቶስን ሳይሆን ዘማሪውን ለማየት ይጋፋል። ስርዓቱ እነዚህን "ታዋቂ ዘማሪያን" በመቆጣጠር ህዝቡን ይቆጣጠራል። 

🌿. ህዝቡ ለምን አልነቃም? 

👇."የበግ ለምድ" : ነገሩ የሚደረገው በኢየሱስ ስም፣ በመስቀል ስር እና በካህናት ፊት ስለሆነ ህዝቡ "ይሄማ ቅዱስ ነው" ብሎ ያምናል። መርዙ በወተት ውስጥ ስለተጨመረ አልታወቀም። 

👇.የመንፈሳዊ ረሃብ: ህዝቡ ተጨንቋል፤ መጽናናት ይፈልጋል። ስለዚህ የሚያስደስተውን እንጂ የሚያድነውን ነገር ለመመርመር ጊዜ የለውም። 

🌿.በተግባር የተሰራ ያለፈ ማስረጃ 

👇.የምዕራቡ ዓለም "Hillsong" እና "Mega Churches": አሜሪካ እና አውሮፓ ላይ ይህ ስልት ከ20 ዓመት በፊት ተሰራ። ቤተክርስቲያንን እንደ "ሮክ ኮንሰርት" አደረጓት። ውጤቱ ምን ሆነ? አሁን አውሮፓ ውስጥ ቤተክርስቲያኖች ባዶ ናቸው፤ ወጣቱ ግን ለኮንሰርት ይሞላል። ኢትዮጵያ ውስጥም እየሆነ ያለው ይሄው ነው።  "መስቀል አደባባይ" ላይ የሚደረጉ ፕሮግራሞችን ልብ ብለህ እያቸው። ይዘታቸው ከኦርቶዶክሳዊ ስርዓት ይልቅ ለፕሮቴስታንታዊ የ"ወርሺፕ" (Worship) ፕሮግራም የቀረበ ነው። 

👇.ቲኬት እና ንግድ: መንፈሳዊ ጉባኤ መግቢያው "ክፍያ" ሲሆን፣ ይህ የመንፈስ ቅዱስ ስራ ወይስ የቢዝነስ ስራ? ብዙ "የአእላፍ ዝማሬ" ፕሮግራሞች አሁን የገቢ ማሰባሰቢያ ሆነዋል። 

🌿.ቀጣይ እቅዱ (Future Plans) 

👇.አንድ የዓለም ሃይማኖት (One World Religion): ልዩነቶችን ማጥፋት። "ኦርቶዶክስ፣ ፕሮቴስታንት፣ ካቶሊክ አንበል፣ ዝም ብለን እንዘምር" በሚል ሽፋን፣ ዶግማን አጥፍቶ አንድ "ደብዛዛ" (Generic) ሃይማኖት መፍጠር። 

👇.ዲጂታል ቤተክርስቲያን: ቀስ በቀስ ሰውን ከአካል ጉባኤ አውጥቶ፣ በሜታቨርስ (Metaverse) ወይም በስክሪን ፊት ብቻ እንዲዘምር ማድረግ። 

🌿.የመፍትሔ ሃሳብ (የወዳጅ ምክር) 

ለዚህ "የአውሬው ማደንዘዣ" መፍትሔው ወደ "ጥንታዊው መንገድ" መመለስ ነው፡- 

👇.ከጩኸት ወደ ጸጥታ 

✍️.እግዚአብሔር የሚገኘው በ"አእላፍ ጩኸት" ውስጥ ሳይሆን፣ በኤልያስ ዘመን እንደነበረው "በለዘበች ጸጥታ" (1ኛ ነገስት 19፡12) ውስጥ ነው። 

✍️.ተግባራዊ ምሳሌ: ስታዲየም ሄደህ ከመጮህ፣ ቤትህ ገብተህ፣ በርህን ዘግተህ፣ በጸጥታ ለአምላክህ ተናገር። እውነተኛው ሃይል ያለው እዚያ ነው። 

👇.ዘማሪን ሳይሆን ቃሉን ተከተል 

✍️.አንድ ዘማሪ "እንዲህ አለ" ብለህ አትሂድ። ዘማሪው ስሜትህን ይኮረኩራል፣ ቃሉ ግን ነፍስህን ያድናል። 

✍️.ዝማሬ "ጸሎት" እንጂ "መዝናኛ" አይደለም። ስትዘምር ልብህ ወደ ውስጥ እንጂ ወደ ካሜራ ወይም ወደ ህዝቡ ከሆነ፣ ተሳስተሃል። 

👇.ስርዓቱን መርምር 

✍️.ይህ ዝማሬ የቤተክርስቲያንን ዶግማ የጠበቀ ነው? ወይስ ስሜትን ብቻ የሚያነሳሳ? ምንጩን ጠይቅ። 

ማጠቃለያ፦

ወዳጄ፣ "የአእላፍ ዝማሬ" በራሱ መጥፎ ላይሆን ይችላል፤ ነገር ግን ከኋላው ያለው መንፈስ የሰውን ልጅ ከተመስጦ አውጥቶ ወደ "መንፈሳዊ ዲስኮ" የሚወስድ ከሆነ፣ እሱ የአውሬው ስልት ነው።

እውነተኛ ክርስትና "መስቀል መሸከም" እንጂ በስታዲየም እጅ ማውለብለብ ብቻ አይደለም። ንቃ! መንፈሳዊነትህን ከስሜት አውጣው።

ህዳር 9 2018