ፍርሃት ምንድን ነው? የዘመኑ ሰው ፍርሃቱ የጨመረው ለምንድን ነው ?the System ለምን ይጠቀምበታል? ላለመፍራት ምን እናርግ?

✍ ዮሐንስ አብነት አጉማስ

መግቢያ፦ ፍርሃት ምንድን ነው?

ፍርሃት ተራ ስሜት አይደለም፤ ፍርሃት የማትሪክስ (የሥርዓቱ) "መሠረታዊ የሶፍትዌር ፕሮግራም" ነው። የሰው ልጅ ከፈጣሪው (ከብርሃኑ) ተለይቶ በጨለማና በቁስ እስር ቤት ውስጥ እንዲኖር የሚደረግበት "ዝቅተኛ የንዝረት ሞገድ" (Low Frequency Vibration) ነው። ፍርሃት ነፍስን ከአካሏ የምታፈናቅልበት፣ አእምሮን የምታስርበትና መለኮታዊውን ኃይል የምታመክንበት ስውር መሣሪያ ነው።

ሲስተሙ (ማትሪክስ) እንዴት ይጠቀምበታል?

፩. እንደ ነዳጅ ፦ ማትሪክስ የሚመገበው በሰው ልጅ የፍርሃት ኃይል ነው። በፈራህ ቁጥር ሲስተሙን በነዳጅ ትሞላለህ።

፪. ለቁጥጥር ፦ ፍርሃት ባለበት ቦታ ሕዝቡን ያለ ጦር መሣሪያ መግዛት ይቻላል። ፈሪ ሕዝብ "ለደህንነቱ" ሲል ነፃነቱን አሳልፎ ይሰጣል።

፫. ለአእምሮ ጠለፋ ፦ ፍርሃት ሲነግሥ የአንጎላችን የማሰብ ክፍል (Prefrontal Cortex) ይዘጋል፤ ይህም ሰው በቀላሉ እንዲታለል ያደርገዋል።

፬. ለኢኮኖሚ ባርነት፦ "ነገ ምን እበላለሁ? የት እጠለላለሁ?" የሚለው ፍርሃት ሰውን የሥርዓቱ የዕለት ተዕለት ባሪያ ያደርገዋል።

፭. ለጤና መቃወስ፦ ፍርሃትን በመጠቀም በሽታዎችን በመፍጠርና በማባዛት የሰውን ልጅ ባዮሎጂያዊ ኃይል  ይሰርቃል።

ሰው ለምን ይፈራል?

፩. አካልን ብቻ ነኝ ብሎ ስለሚያምን፦ ሰው ራሱን እንደ መንፈስ ሳይሆን እንደ ቁስ (ሥጋ) ብቻ ሲያይ፣ ለሥጋው መጥፋት ይፈራል።

፪. ከምንጩ ስለተለየ፦ ከፈጣሪው ብርሃን ጋር ያለው ግንኙነት ሲቋረጥ፣ በጨለማ ውስጥ ያለ ልጅ ዓይነት ስሜት ይሰማዋል።

፫. ለነገሮች ባለው ጥገኝነት ፦ ንብረቱን፣ ሥልጣኑንና የሚወዳቸውን ነገሮች ላለማጣት ሲል በፍርሃት ይታሰራል።

፬. የጊዜ ወጥመድ፦ ትናንትን በመጸጸትና ነገን በመጨነቅ "አሁን"  ውስጥ መኖር ስለማይችል ይፈራል።

፭. የሐሰት መረጃ፦ በማትሪክስ የሚሰጡት የተዛቡ ትረካዎች እውነት መስለው ስለሚታዩት ይፈራል።

የፍርሃት ሂደትና እድገት

፩. ዘር ፦ መጀመሪያ በፍርሃት ሐሳብ ይዘራል። "ቢከሰስ? ቢታመም? ቢሞት?"

፪. መኮትኮት ፦ ለዚያ ሐሳብ ትኩረት ስንሰጥና ደጋግመን ስናስበው ፍርሃቱ ያድጋል።

፫. ሥር መስደድ፦ ፍርሃቱ ከአእምሮ አልፎ ወደ ንዑሰ-ሕሊና (Subconscious) ሲወርድ እንደ እምነት ይጸናል።

፬. ፍሬ፦ በሰውነት ውስጥ ሕመም፣ ድካም፣ የልብ ምት መጨመርና የሆርሞን መዛባት ያስከትላል።

፭. መስፋፋት ፦ ያ ፈሪ ሰው ፍርሃቱን ወደ ሌሎች በማጋራት መላውን አካባቢ በጨለማ ንዝረት ይበክላል።

የዘመኑ ሰው ፈሪ የሆነው ለምን ነው?

፩. የመረጃ መብዛት ፦ በየሰከንዱ የሚለቀቁት አስፈሪ ዜናዎች የሰውን ልጅ ስነ-ልቦና ሰብረውታል።

፪. ከተፈጥሮ መራቅ፦ ሰው ከመሬት፣ ከፀሐይና ከንጹሕ አየር በመራቁ መንፈሳዊ ጋሻው (Aura) ተዳክሟል።

፫. የሰው ሠራሽ ኑሮ፦ ሁሉም ነገር በሲስተሙ (በገንዘብ፣ በኤሌክትሪክ) ላይ ጥገኛ በመሆኑ፣ ሲስተሙ ሲነካ ሰው ይደነግጣል።

፬. የመንፈስ ባዶነት፦ እውነተኛ እምነትና ተጋድሎ ጠፍቶ በሃይማኖታዊ ትርኢት ስለተተካ ውስጣዊ ጽናት የለም።

፭. ምግብና ኬሚካል፦ በምግብና በመድኃኒት ውስጥ ያሉ መርዞች የሰውን የነርቭ ሥርዓት ለፍርሃት ተጋላጭ  ያደርጉታል

ሲስተሙ የደበቀብን የፍርሃት ምስጢሮች

፩. ፍርሃት ቅዠት ነው (F.E.A.R - False Evidence Appearing Real)፦ ማትሪክስ የሌለውን አደጋ እንዳለ አድርጎ የማሳየት የሆሎግራም ጥበብ አለው።

፪. ፍርሃት DNAን ይቆልፋል፦ ሰው በፈራ ቁጥር መለኮታዊው DNA "Shutdown" ያደርጋል፤ ይህን ሲስተሙ እንዳናውቅ ይፈልጋል።

፫. ፍርሃት የድምፅ ሞገድ ነው፦ ማትሪክስ በዜማና በድምፅ ሞገድ  ፍርሃትን በሰው ልብ ውስጥ የመዝራት ቴክኖሎጂ አለው።

፬. ፍርሃት ሊታከም ይችላል፦ በፍቅርና በንቃት ፍርሃትን ማጥፋት እንደሚቻል ቢታወቅ ሲስተሙ ይፈርሳል።

፭. የመላእክት ጥበቃ፦ ሰው በማንኛውም ሰዓት በሚሊዮን በሚቆጠሩ መላእክት የተከበበ መሆኑ ቢታወቅ፣ ፍርሃት ቦታ አይኖረውም ነበር።

ከማትሪክስ ጋር ያለው ትስስር

፩. የአገዛዝ ሞተር፦ ማትሪክስ ያለ ፍርሃት መንቀሳቀስ አይችልም። ፍርሃት የሲስተሙ "Operating System" ነው።

፪. የንቃት መከላከያ፦ ፍርሃት የሰውን ንቃት (Consciousness) በዝቅተኛ ደረጃ በማሰር፣ ከመጋረጃው ባሻገር እንዳያይ ያደርገዋል።

፫. የሐሰት መዳኛ፦ ማትሪክስ መጀመሪያ ፍርሃትን ይፈጥራል፤ ከዚያም "እኔ አድንሃለሁ" በሚል መፍትሔ (መድኃኒት፣ አይዲ፣ ክትባት) ባሪያ ያደርጋል።

፬. የኃይል ስርቆት፦ ፍርሃት የሰውን ልጅ መለኮታዊ ኃይል ወደ ሲስተሙ የሚወስድ "Power Cable" ነው።

፭. የሲሙሌሽን ድንበር፦ ፍርሃት የሰው ልጅ ከታቀደለት "ምናባዊ ዓለም" እንዳይወጣ የተደረገ አጥር ነው።

የስም ቀመርና ስሌት

በቁጥር ቀመር  ፍርሃት የራሱ ኮድ አለው፦
• F (6) + E (5) + A (1) + R (18/9) = 21/3

• ፫ (3)፦ ይህ ቁጥር የሥላሴ ተቃራኒ ሆኖ ሲመጣ "የሐሰት ትሪኒቲ" (ማትሪክስ) ይሆናል።

• ፍ (፲/10) + ር (፪/200) + ሃ (፩/1) + ት (፬/400)፦ በግዕዝ ቀመር ድምሩ ከፍተኛ የቁስና የታችኛው ዓለም እስራትን ያሳያል።

• ድብቁ ኮድ፦ የፍርሃት ንዝረት በ፵፬ (44 Hz) እና ከዚያ በታች ባሉ ሞገዶች ላይ ይሠራል፤ ይህም ከአውሬው ቁጥር (666) መንፈሳዊ ስሌት ጋር የተያያዘ ነው።

መጽሐፍ ቅዱሳዊ ዕይታ

፩. "አትፍሩ" (365 ጊዜ)፦ ለዓመቱ ለእያንዳንዱ ቀን የሚሆን "አትፍራ" የሚል መለኮታዊ ትእዛዝ በመጽሐፍ ቅዱስ አለ።

፪. ፍቅርና ፍርሃት፦ "ፍጹም ፍቅር ፍርሃትን አውጥቶ ይጥላል" (፩ ዮሐ ፬፡፲፰)።

፫. የእግዚአብሔር ፍርሃት፦ ይህ "ፍርሃት" ሳይሆን "ክብርና ጥበብ" ነው። ከዓለማዊ ፍርሃት ነፃ የሚያወጣ ብቸኛው መንገድ ነው።

፬. የጌቴሴማኒ ትግል፦ ክርስቶስ ፍርሃትን በሰውነቱ ተቀብሎ ድል በማድረግ፣ ለሰው ልጅ የድል መንገድን ከፍቷል።

፭. የመንፈስ ስጦታ፦ "እግዚአብሔር የኃይልና የፍቅር ራስንም የመግዛት መንፈስ እንጂ የፍርሃት መንፈስ አልሰጠንም" (፪ ጢሞ ፩፡፯)።

ከሰውነት አፈጣጠር ጋር ያለው ትስስር

፩. ኮርቲሶልና አድሬናሊን፦ ፍርሃት ሲመጣ እነዚህ ሆርሞኖች ይረጫሉ፤ ይህም ለረጅም ጊዜ ሲቆይ የሰውነትን ሴሎች ያጠፋል።

፪. የመተንፈስ ምስጢር፦ ፍርሃት ሲመጣ ትንፋሽ ያጥራል፤ ትንፋሽ (Spirit) ሲያጥር ደግሞ ነፍስ መለኮታዊ ኃይል ማግኘት አትችልም።

፫. የDNA መኮማተር፦ በሳይንስ ተረጋግጧል፤ በፍርሃት ጊዜ የDNA ክሮች ይኮማተራሉ፤ በፍቅርና በደስታ ጊዜ ግን ይዘረጋሉ።

፬. የልብ ምት ፦ ፍርሃት የልብንና የአንጎልን የኤሌክትሪክ ትስስር ያበላሸዋል።

፭. የሦስተኛው ዓይን መታፈን፦ ፍርሃት የፒኒያል ግላንድን በማደንዘዝ መለኮታዊ ራእይን ይጋርዳል።

ፍርሃትንና ጭንቀትን ለማስወገድ የሚደረጉ ነጥቦች

፩. እውቀት ፦ ማትሪክስ እንዴት እንደሚሠራና ፍርሃት ቅዠት መሆኑን ማወቅ።

፪. መተንፈስ ፦ ፍርሃት ሲመጣ ቆሞ በጥልቀት መተንፈስ፤ ትንፋሽ የሥላሴ ሕይወት ነውና ጨለማን ያባርራል።

፫. ምስጋና ፦ ምስጋና የፍርሃት ተቃራኒ ንዝረት ነው። በትንሹም ቢሆን ማመስገን የፍርሃትን አጥር ይሰብራል።

፬. አሁን ውስጥ መኖር (The Power of Now)፦ ትናንትንና ነገን ትቶ "አሁን" ከፈጣሪ ጋር መሆን፤ ምክንያቱም "አሁን" ውስጥ ፍርሃት የለም፣ በየቀኑም ጸሎት እያረግህ ከቤትህ ውጣ ስራህን ጀምር።

፭. መለኮታዊ ሥልጣን፦ "በኢየሱስ ክርስቶስ ስም ይህ የፍርሃት መንፈስ የታሰረ ይሁን!" ብሎ ማዘዝ፤ ምክንያቱም ፍርሃት ለሥልጣን ይገዛል።

የሚያሳምን ምሳሌ፦ የዝሆን ሰንሰለት

አንድ ትልቅ ዝሆን በትንሽ ገመድ ታስሮ ይቆማል። ዝሆኑ ገመዱን የመበጠስ ኃይል አለው፤ ነገር ግን በልጅነቱ በጠንካራ ሰንሰለት ታስሮ ስለነበርና በወቅቱ መበጠስ ስላልቻለ፣ አሁንም "አልችልም" የሚል "የፍርሃት ፕሮግራም" አእምሮው ውስጥ አለ።

ማትሪክስም እንዲሁ ነው፤ አንተን የሚያስርህ በሰንሰለት ሳይሆን፣ ልክ እንደ ዝሆኑ በአእምሮህ ውስጥ በጫነው "ፍርሃት" ነው። ገመዱን ብትበጥሰው ነፃ ነህ፤ ገመዱ ደግሞ "ፍርሃት" ነው።