የመጨረሻ ዘመን ሁለት ዋና ዋና ጦርነቶች

መጽሐፍ ቅዱስ በመጨረሻው ዘመን ከእስራኤልን  ጋር የሚደረጉ ሁለት ዋና ዋና ጦርነቶች እንዳሉ ይነግረናል። እነሱም፦

1. የጎግ እና የማጎግ ጦርነት (ሕዝ 38-39) እና 

2. የአርማጌዶን ጦርነት (ራዕይ 16፡16፣ 19፡11-21) ናቸው።

1. የጎግ እና የማጎግ ጦርነት (ሕዝ. 38-39)፡- 

ይህ  በብሉይ ኪዳን  በትንቢተ ሕዝቅኤል ምዕራፍ 38 እስከ 39 ውስጥ የተገለጸ  የመጨረሻው ዘመን ጦርነት  ነው። 

የጦርነት ተሳታፊዎች፡-

የጦር  ዋነኛ አለቃ   “ጎግ” ሲሆን እሱም  በ”ማጎግ” ምድር  የብሔራትን ጥምር ጦር  በእስራኤል ላይ ይመራል። የማጎግ እና የተዛማጅ ህዝቦች ማንነት  በአሁኑ ወቅት እነማን እንደሆኑ የተለያዩ ሀሳቦች  ቢኖሩም በተለምዶ ከእስራኤል ሰሜናዊ አካባቢዎች ጋር የተቆራኙ እንደሆኑ ይነገራል። ይህም በዘመናዊቷ ሩሲያ፣ ቱርክ፣ ኢራን እና አንዳንድ የመካከለኛው እስያ አገሮች ያሉትን  ያካትታል። 

የጦርነት መንስኤ ፡-

 በቅናትና በስግብግብነት ተነሳስተው እስራኤን በመውጋት እና ህልውናቸን በመፈታተን ምርኮን ለመማርክና የእስራኤልን ሀብት የመበዝበዝ ፍላጎት ። 

መለኮታዊ ጣልቃ ገብነት፡- 

እግዚአብሔር እስራኤልን ለመከላከል ከተፈጥሮ በላይ በሆነ መንገድ ጣልቃ ይገባል። ወራሪው ሰራዊት በመሬት መንቀጥቀጥ፣ በውስጥ ግጭት፣ በመቅሰፍት እና በሰማይ እሳት ይወድማሉ። 

በስተመጨረሻ/የጦርነት ውጤት/፡- 

ጥፋቱ እጅግ በጣም ብዙ ከመሆኑ የተነሳ ሙታንን ለመቅበር ሰባት ወር ይፈጅባቸዋል፤ እስራኤላውያንም የወራሪዎቹን የጦር መሳሪያዎች በማቃጠል ሰባት ዓመታትን ያሳልፋሉ።

2. የአርማጌዶን ጦርነት (ራዕይ 16፡16፣ 19፡11-21)፡ 

ተሳታፊዎች፡-

“የምድር ነገሥታትና ሠራዊታቸው” በአምላክና በሕዝቡ ላይ ጦርነት ለመክፈት “አርማጌዶን” ተብሎ በሚጠራው ስፍራ (በሰሜን እስራኤል በምትገኘው በመጊዶ ዙሪያ ያለውን አካባቢ የሚያመለክት ሳይሆን አይቀርም) ተሰብስበው ይመጣሉ። “አውሬው” እና “ሐሰተኛው ነቢይ”   ጠላቶችን የሚመሩ ቁልፍ ሰዎች ይሆናሉ። 

የጦርነት መንስኤ ፡-

የምድር ነገሥታት በአጋንንት ኃይል ተታልለው እና በእግዚአብሔር ላይ በማመፅ ይነሳሳሉ። 

መለኮታዊ ጣልቃ ገብነት፡-

ኢየሱስ ክርስቶስ አውሬውን፣ ሐሰተኛውን ነቢይ፣ እና የምድርን የተሰበሠቡትን ሠራዊት ለማሸነፍ ከሰማያዊ ሠራዊቱ ጋር ተመልሶ ይመጣል። 

በሰተመጨረሻ/የጦርነት ውጤት/:-

አውሬውና ሐሰተኛው ነቢይ በእሳት ባሕር ውስጥ ይጣላሉ። የቀሩትም ጭፍሮች ይገደላሉ። 

ትርጓሜ፡-

አርማጌዶን ብዙውን ጊዜ የመጨረሻው፣ በክፉ እና በክፉ መካከል ያለው ወሳኝ ጦርነት እንደሆነ ይገነዘባል፣ ይህም የእግዚአብሔርን ዘላለማዊ መንግሥት መመሥረትን ያመጣል።